საერთაშორისო რეზერვები: საქართველოს ეროვნული ბანკის თანახმად, 2024 წლის მარტში ოფიციალური საერთაშორისო რეზერვები წლიურად 4.5%-ით შემცირდა და 4.8 მლრდ აშშ დოლარი შეადგინა. თუმცა, წინა თვესთან შედარებით რეზერვები 0.6%-ით გაიზარდა (+30.6 მლნ აშშ დოლარი). რეზერვების ცვლილება უკავშირდება მთავრობის და საბანკო სექტორის სავალუტო ოპერაციებს, ასევე, სავარაუდოდ, სებ-ის სავალუტო ოპერაციებსაც (ინფორმაცია ხელმისაწვდომი იქნება 25 აპრილს). ამასთან, სებ-მა სავალუტო რეზერვებს მონეტარული ოქრო დაამატა. რეგულატორმა 2024 წლის მარტში და აპრილის დასაწყისში 500 მლნ აშშ დოლარის 7 ტონა, უმაღლესი სინჯის (999.9) მონეტარული ოქრო შეიძინა, რაც დაახლოებით მთლიანი საერთაშორისო რეზერვების 11%-ს შეადგენს.
გაზიარება:
