ფულადი გზავნილები: სებ-ის მიხედვით, 2023 წლის სექტემბერში ფულადი გზავნილები წლიურად 26.7%-ით შემცირდა და 283.9 მლნ აშშ დოლარი შეადგინა, წინა თვეში დაფიქსირებული 14.1%-იანი კლების შემდეგ. ძირითადი დონორი ქვეყნებიდან ფულადი გზავნილების მნიშვნელოვანი შემცირება დაფიქსირდა რუსეთიდან (-65.8% წ/წ, -1.4% თ/თ, მთლიანის 20.9%). თუმცა, ამავდროულად, გზავნილების მაღალ წლიურ ზრდას ჰქონდა ადგილი შემდეგი ქვეყნებიდან: იტალია (+19.3%), აშშ (+43.8%), გერმანია (+32.8%), საბერძნეთი (+11.0%) და ყაზახეთი (+80.6%). ჯამურად, 2023 წლის პირველ 9 თვეში ფულადი გზავნილები წლიურად 15.1%-ით გაიზარდა და 3.2 მლრდ აშშ დოლარი შეადგინა.

საგარეო ვაჭრობა: საქსტატის მონაცემებით, 2023 წლის სექტემბერში საქონლის ექსპორტი წლიურად 0.9%-ით გაიზარდა 528.0 მლნ აშშ დოლარამდე, წინა თვის 4.8%-იანი ზრდის შემდეგ. იმპორტი წლიურად 9.2%-ით გაიზარდა და 1.2 მლრდ აშშ დოლარი შეადგინა, წინა თვეში დაფიქსირებული 2.3%-იანი ზრდის შემდეგ. შედეგად, სავაჭრო დეფიციტი წლიურად 16.4%-ით გაიზარდა და 713.3 მლნ აშშ დოლარი შეადგინა, წინა თვის 0.9%-იანი ზრდის შემდეგ. 
2023 წლის სექტემბერში მანქანები (+97.4% წ/წ), სპილენძი (-62.0% წ/წ), ფეროშენადნობები (-58.1% წ/წ), ღვინო (-10.0% წ/წ) და ალკოჰოლური სასმელები (+17.0% წ/წ) იყო ტოპ-5 ექსპორტირებული საქონელი. ამასთან, ექსპორტის 11.1% ევროკავშირზე მოდიოდა (+39.4% წ/წ), 65.7% დსთ-ზე (+23.1% წ/წ) და 23.1% სხვა ქვეყნებზე (-38.7% წ/წ). 
2023 წლის სექტემბერში ტოპ-5 იმპორტი იყო მანქანები (+39.1% წ/წ), ნავთობი (-32.9% წ/წ), მედიკამენტები (+37.5% წ/წ), ტელეფონები (+7.6% წ/წ) და თამბაქო (+28.4% წ/წ).
ჯამურად, 2023 წლის პირველ 9 თვეში, სავაჭრო დეფიციტი წლიურად 22.3%-ით გაიზარდა და 6.7 მლრდ აშშ დოლარი შეადგინა, რადგან ექსპორტი 12.7%-ით გაიზარდა 4.6 მლრდ აშშ დოლარამდე, ხოლო იმპორტი 18.2%-ით გაიზარდა და 11.3 მლრდ აშშ დოლარი შეადგინა.

მწარმოებელთა ფასების ინდექსი: საქსტატის მონაცემებით, მწარმოებელთა ფასების ინდექსი, წინა თვის მსგავსად, წლიურად 3.3%-ით შემცირდა 2023 წლის სექტემბერში. ფასების შემცირებაზე ყველაზე დიდი ზეგავლენა იქონია ფასების შემცირებამ დამამუშავებელი მრეწველობის (-4.0% წ/წ) სექციაში.

სავალუტო ინტერვენციები: 2023 წლის 17 ოქტომბერს ეროვნულმა ბანკმა სავალუტო ბაზარზე 40 მლნ აშშ დოლარი გაყიდა. ამასთან, წლის დასაწყისიდან დღემდე სებ-ი უცხოური ვალუტის წმინდა მყიდველია, რომელმაც 1.2 მლრდ აშშ დოლარი შეადგინა, ჩვენი შეფასებით.