საგარეო ვაჭრობა: საქსტატის მონაცემებით, 2024 წლის დეკემბერში საქონლის ექსპორტი წლიურად 6.8%-ით გაიზარდა და 549.4 მლნ აშშ დოლარი შეადგინა, წინა თვეში დაფიქსირებული წლიური 12.6%-იანი ზრდის შემდეგ. ამასთან, იმპორტი წლიურად 20.9%-ით გაიზარდა 1.7 მლრდ აშშ დოლარამდე, წინა თვის 14.2%-იანი ზრდის შემდეგ. შედეგად, დეკემბერში სავაჭრო დეფიციტი წლიურად 29.4%-ით გაიზარდა 1.1 მლრდ აშშ დოლარამდე.
2024 წლის დეკემბერში მანქანები (+15.7% წ/წ), ძვირფასი ლითონები (+137.0% წ/წ), მედიკამენტები (+10.3% წ/წ), სპირტი (-5.0% წ/წ) და ნავთობი (+194.1% წ/წ) იყო ტოპ-5 ექსპორტირებული საქონელი. ამასთან, ექსპორტის 11.5% ევროკავშირზე მოდიოდა (+79.0% წ/წ), 70.0% დსთ-ზე (+8.7% წ/წ) და 18.5% სხვა ქვეყნებზე (-18.9% წ/წ).
2024 წლის დეკემბერში ტოპ-5 იმპორტი იყო მანქანები (+11.8% წ/წ), ნავთობი (+3.9% წ/წ), საფრენი აპარატები (+980.3% წ/წ), გაზი (+33.6% წ/წ) და მედიკამენტები (+13.4% წ/წ).
ჯამურად, 2024 წელს, სავაჭრო დეფიციტი წლიურად 8.4%-ით გაიზარდა და რეკორდული მაჩვენებელი 10.3 მლრდ აშშ დოლარი შეადგინა, რადგან ექსპორტი 7.8%-ით გაიზარდა რეკორდულ 6.6 მლრდ აშშ დოლარამდე, ხოლო იმპორტი 8.1%-ით გაიზარდა და ასევე რეკორდულ დონეს 16.9 მლრდ აშშ დოლარს გაუტოლდა.
მწარმოებელთა ფასების ინდექსი: საქსტატის მონაცემებით, მწარმოებელთა ფასების ინდექსი წლიურად 7.9%-ით გაიზარდა 2024 წლის დეკემბერში, წინა თვეში არსებული 6.6%-იანი ზრდის შემდეგ. მწარმოებელთა ფასების წლიურ ზრდაზე ძირითადი ზეგავლენა იქონია ფასების ზრდამ დამამუშავებელი მრეწველობის (+6.2%), სამთომოპოვებითი მრეწველობის (+23.7%) და ელექტროენერგიის მიწოდების (+11.4%) სექციებში.
