FAQ
2022 წლის 30 ნოემბერს საქართველოს საგადასახადო კოდექსი შეიცვალა და მას დაემატა 702-ე მუხლი. ცვლილება ფინანსურ ინსტიტუტებს ავალდებულებს, თავიანთი მომხმარებლებისგან მოითხოვონ საგადასახადო რეზიდენტობის შესახებ ინფორმაცია, რომელიც მოიცავს იმ ქვეყნის დეტალებს, სადაც ისინი ითვლებიან საგადასახადო რეზიდენტებად.
საქართველოს შესწორებული საგადასახადო კოდექსის სრული ტექსტის სანახავად ეწვიეთ ბმულს.
საგადასახადო რეზიდენტობის განმარტება განსხვავდება სხვადასხვა იურისდიქციაში. დამატებითი ინფორმაცია შეგიძლიათ იხილოთ ეკონომიკური თანამშრომლობისა და განვითარების ორგანიზაციის (OECD) ვებგვერდზე
ანგარიშგების საერთო სტანდარტი (CRS) საერთაშორისო ინიციატივაა, რომელიც მიზნად ისახავს გადასახადებისგან თავის არიდების პრევენციას CRS სისტემაში მონაწილე ქვეყნებს შორის საგადასახადო რეზიდენტობის შესახებ ინფორმაციის გაცვლით.
CRS-ის თანახმად, ფინანსური ინსტიტუტები ვალდებულნი არიან, შეაგროვონ და შემოსავლების სამსახურს შეატყობინონ მომხმარებლის საგადასახადო რეზიდენტობის შესახებ ინფორმაცია. ამიტომ „გალტ ენდ თაგარტი“ მომხმარებლებს სთხოვს, ახალი ანგარიშების გახსნისას, ახალ ფინანსურ პროდუქტებში ინვესტირებისას ან მათ ანგარიშებში ცვლილებების შეტანისას შეავსონ დეკლარაცია.
CRS-ის თანახმად, „გალტ ენდ თაგარტი“ მომხმარებლებს სთხოვს, წარმოადგინონ შემდეგი ინფორმაცია:
- სახელი, გვარი
- მისამართი
- დაბადების ადგილი
- დაბადების თარიღი
- საგადასახადო რეზიდენტობის ქვეყანა
- გადასახადის გადამხდელის საიდენტიფიკაციო ნომერი
„გალტ ენდ თაგარტისთვის“ საგადასახადო რეზიდენტობის შესახებ ინფორმაციის წარსადგენად მომხმარებლებმა ელექტრონული ფოსტით უნდა გაგზავნონ ინფორმაცია იმ ქვეყნის შესახებ, სადაც მათ აქვთ საგადასახადო რეზიდენტობა, და გადასახადის გადამხდელის საიდენტიფიკაციო ნომერი. თუ ქვეყანა არ გასცემს გადასახადის გადამხდელის საიდენტიფიკაციო ნომერს, ეს ასევე უნდა იყოს მითითებული.
თუ მოთხოვნილი ინფორმაცია არ იქნება წარმოდგენილი, ამან შეიძლება გამოიწვიოს „გალტ ენდ თაგარტის“ მხრიდან უარი ანგარიშის გახსნაზე ან არსებული ანგარიშის დახურვაზე. გარდა ამისა, თუ გამოვლინდა საგადასახადო რეზიდენტობა უცხო ქვეყანაში, „გალტ ენდ თაგარტი“ ვალდებულია, ეს ინფორმაცია შეატყობინოს შემოსავლების სამსახურს.
თუ თქვენ გაქვთ დაუდეკლარირებელი შემოსავალი და ასევე ხართ უცხო ქვეყნის საგადასახადო რეზიდენტი, თქვენ ვალდებული ხართ, შეავსოთ დეკლარაცია.
შემოსავლების სამსახურს ეცნობება ინფორმაცია იმ ფიზიკური ან იურიდიული პირების შესახებ, რომლებიც არიან უცხო ქვეყნის საგადასახადო რეზიდენტები ან მიჩნეულია, რომ არიან უცხო ქვეყნის საგადასახადო რეზიდენტები და არ წარუდგენიათ ეს ინფორმაცია „გალტ ენდ თაგარტისთვის“.
CRS-ის თანახმად, ფინანსური ინსტიტუტები ვალდებულნი არიან, დაადგინონ ყველა მომხმარებლის საგადასახადო რეზიდენტობის სტატუსი, მიუხედავად მათი მოქალაქეობის და საცხოვრებელი ადგილისა.
შენიშვნა:
- თუ მომხმარებელი საქართველოს გარდა სხვა ქვეყნის საგადასახადო რეზიდენტია, მის შესახებ ინფორმაცია გაეგზავნება შემოსავლების სამსახურს.
- თუ მომხმარებელი მხოლოდ საქართველოს საგადასახადო რეზიდენტია, შემოსავლების სამსახურს ინფორმაცია არ გაეგზავნება.
მომხმარებლებმა საგადასახადო რეზიდენტობის შესახებ ინფორმაცია მხოლოდ ერთხელ უნდა წარადგინონ, თუ მათ სტატუსში ან მონაცემებში არ აქვს ადგილი ცვლილებას, რომელიც გავლენას ახდენს მათ საგადასახადო რეზიდენტობაზე.
შემოსავლების სამსახურს შეიძლება გადაეცეს ინფორმაცია, რომელიც წარმოდგენილია დეკლარაციის ფორმის საშუალებით, ასევე დეტალები „გალტ ენდ თაგარტში“ არსებულ მომხმარებლის საბროკერო ანგარიშებთან და პროდუქტებთან დაკავშირებით. შემოსავლების სამსახურს ასევე შეიძლება გადაეცეს ბალანსის შესახებ ინფორმაცია.
CRS-ის მონაწილე ქვეყნების ჩამონათვალი და მათ მიერ ინფორმაციის გაცვლის ვადები ხელმისაწვდომია OECD-ის CRS პორტალზე.
დამატებითი ინფორმაცია შეგიძლიათ იხილოთ შემდეგ ბმულებზე: