საინვესტიციო პროფილის შეფასების კითხვარი (შემდგომში – „კითხვარი“) შედგენილია იმისათვის, რომ დაგეხმაროთ იმის იდენტიფიცირებაში, თუ რა ტიპის ინვესტორი ხართ. აქტივების ის ალოკაცია, რომელიც კითხვარში მონიშნული პასუხების შესაბამისად იქნება შეთავაზებული თქვენთვის, გამომდინარეობს კითხვარში მითითებული სუბიექტური ფაქტორების (რისკის ამტანუნარიანობა და ფინანსური მდგომარეობა) თქვენივე შეფასებიდან გამომდინარე და სრულად ეყრდნობა კითხვარით მოწოდებულ ინფორმაციას. შესაბამისად, აქტივების შემოთავაზებული ალოკაცია მიჩნეული უნდა იქნას თქვენი სახსრების ინვესტირების მხოლოდ ზოგად სახელმძღვნელოდ; იგი არ წარმოადგენს საინვესტიციო რჩევას და ეფუძნება შეზღუდულ ინფორმაციას. როგორც ახლა, ისე სამომავლოდ, ნებისმიერი ინვესტიციის განხორციელების ან ცვლილების შემთხვევაში უმჯობესია დაუკავშირდეთ პროფესიონალ საინვესტიციო მრჩეველს ან/და იურიდიულ მრჩეველს ან/და ბროკერს.

შეთავაზებული ალოკაციები ეფუძნება ზოგადად დამკვიდრებულ საინვესტიციო პრინციპებს და არ არის გარანტირებული, რომ აქტივების რომელიმე შემოთავაზებული ალოკაცია ან ინვესტიციების ერთობლიობა სრულად იქნება თქვენს საინვესტიციო მიზნებთან შესაბამისი. ყველა ინვესტიციას ახლავს თან რისკები და, ამასთან, ფინანსურ ბაზრებზე რყევებმა და სხვა მსგავსმა ფაქტორებმა შესაძლებელია გამოიწვიოს თქვენი ანგარიშის ღირებულების შემცირება. აუცილებელია, ინვესტირების განხორციელებამდე დეტალურად შეაფასოთ ყველა არსებული შესაძლებლობა. სს გალტ ენდ თაგარტი არ არის პასუხისმგებელი ან/და ვალდებული, თქვენი ფინანსური მდგომარეობა ან/და რისკის პროფილი იქნას განახლებული. ნებისმიერ შერჩეულ საინვესტიციო გეგმაზე/გეგმებზე პასუხისმგებელი ხართ მხოლოდ თქვენ.

გთხოვთ, გაითვალისწინოთ, რომ სს გალტ ენდ თაგარტი არ იღებს პასუხისმგებლობას კითხვარში მითითებული შეკითხვების რელევანტურობაზე, სიზუსტეზე, სისრულეზე ან/და ამომწურავობაზე. კითხვარში მითთებული ინფორმაციის შედეგად მიღებულ ინფორმაციაზე დაყრდნობით მიღებულ ნებისმიერ და ყველა გადაწყვეტილებაზე პასუხისმგებელი რჩებით სრულად თქვენ.