2013 წლის 28 ნოემბერს, სარეიტინგო სააგენტო Standard & Poor’s (S&P) დაადასტურა საქართველოს სუვერენული საკრედიტო რეიტინგი BB- გრძელვადიან პერიოდში და B მოკლევადიან პერიოდში.
პროგნოზი რჩება „სტაბილურად“.
S&P-ს მიხედვით, ბოლო წლის განმავლობაში ორი დემოკრატიული და მშვიდობიანი ხელისუფლების გადაცემა უწყობდა ხელს საშუალოვადიანი პოლიტიკური სტაბილურობის და ინსტიტუციური ეფექტიანობის გაძლიერების განმტკიცებას.
რეიტინგის მთავარ შეზღუდვებად S&P ასახელებს:
- მაღალ საგარეო მოწყვლადობას,
- მონეტარული მოქნილობის სიმცირეს,
- მშპ ერთ სულ მოსახლეზე დაბალ დონეს.
თუმცა სააგენტოს შეფასებით, ეს უნდა იქნეს კომპენსირებული:
- ძლიერი ეკონომიკური ზრდის პერსპექტივებით,
- საშუალო დონის სახელმწიფო ვალით,
- და სტაბილური სახელმწიფო ფინანსებით.
სააგენტოს მოლოდინები უახლოეს პერიოდში:
– სუფთა ექსპორტი მნიშვნელოვანი დადებითი წვლილს შეიტანს მშპ-ის ზრდაში 2013 წელს, საქონლის ექსპორტისა და ტურიზმის შემოსავლის ზრდის ფონზე, ხოლო რეალური მშპ-ის ზრდა აღდგება 2014 წელს.
– საგადასახადო კონსოლიდაციის ბოლო პერიოდში მცირე შეფერხება, რადგან მთავრობა გაზრდის სოციალურ ხარჯებს, რის შედეგად 2014 წელს დეფიციტი გაიზრდება მშპ-ის 3.9%-მდე.
– კრედიტის ზრდა აჩქარდება პოლიტიკურ გარემოს სტაბილიზაციის შემდეგ.
