„გალტ ენდ თაგარტი“ ინვესტორებს საშუალებას აძლევს, რეგიონულ ვალის ბაზრებზე ივაჭრონ. ამ მიზნით, კომპანიამ გამოუშვა ახალი ყოველთვიური ანგარიში, „რეგიონალური ფიქსირებული შემოსავლის ბაზრის დაკვირვება“, რომელიც მოიცავს საქართველოს, სომხეთის, აზერბაიჯანის, ბელორუსის, ყაზახეთის და უკრაინის ვალის ბაზრებს.
ამ ბაზრებზე, რომლებიც მზარდი რეგიონის ნაწილია, ინფორმაციის სიმწირეა, რადგან იზრდება ინტერესი განვითარებადი და სასაზღვრო ბაზრების ფასიანი ქაღალდების მიმართ. ახალი ანგარიშის მიზანია ინვესტორებისთვის შესაბამისი ინფორმაციის მიწოდება ამ ქვეყნების მაკროგარემოს, ასევე არსებული ფიქსირებული შემოსავლის ინსტრუმენტების შესახებ. ამასობაში, „გალტ ენდ თაგარტის“ საბროკერო დეპარტამენტი უზრუნველყოფს ვაჭრობის განხორციელებას და მეურვეობას ამ ძნელად მისადგომ ბაზრებზე.
რეგიონალური ფიქსირებული შემოსავლის ბაზრის დაკვირვება უზრუნველყოფს ბაზრის მონაცემებს როგორც ადგილობრივ, ასევე საერთაშორისო დონეზე ლისტირებული ვალის გამოშვების შესახებ ამ ქვეყნებიდან. გარდა ამისა, ანგარიში მოიცავს ქვეყნის დონის მაკრო ინდიკატორებს, როგორიცაა სუვერენული რეიტინგები, მონეტარული პოლიტიკის განაკვეთები, ეკონომიკური ზრდა, ფისკალური და მიმდინარე ანგარიშის ბალანსი.
„ეს არის მნიშვნელოვანი სტრატეგიული ნაბიჯი Galt & Taggart-ის შემდგომი განვითარებისთვის, რომელიც ითვალისწინებს ჩვენი დაფარვის არეალის რეგიონულ გაფართოებას. ამ ნაბიჯით ჩვენ ვაძლევთ ინვესტორებს საშუალებას, რეგიონალურად შეხედონ ფიქსირებული შემოსავლის ბაზარს, რადგან ისინი საინვესტიციო გადაწყვეტილებებს იღებენ რისკისადმი მადისა და მოსალოდნელი შემოსავლის საფუძველზე“, – განაცხადა Galt & Taggart-ის თავმჯდომარემ, არჩილ გაჩეჩილაძემ.
რეგიონალური ფიქსირებული შემოსავლის ბაზრის მიმოხილვა ხელმისაწვდომია Galt & Taggart-ის ვებსაიტზე: www.gtresearch.ge.
