გალტ & თაგარტი მომსახურებას უწევს კომპანიებს, მთავრობებსა და სხვა ორგანიზაციებს ადგილობრივ თუ საერთაშორისო ბაზრებზე სასესხო ფასიანი ქაღალდების (ობლიგაციების) გამოშვებით დაფინანსების მოზიდვაში. როგორც განთავსების აგენტი, ჩვენ ვეხმარებით ჩვენს მომხმარებლებს სასესხო ფასიანი ქაღალდების (ობლიგაციების) გამოშვებაში როგორც საჯარო, ისე კერძო ტრანზაქციების შემთხვევაში. ჩვენი გუნდი, ადგილობრივი და რეგიონალური ბაზრების ღრმა ცოდნითა და მრავალწლიანი გამოცდილებით, დახმარებას უწევს ჩვენს მომხმარებლებს ფასიანი ქაღალდების გამოშვების სრულ პროცესში: ტრანზაქციის სტრუქტურირებიდან ტრანზაქციის წარმატებით განთავსებამდე. გალტ & თაგარტთან თანამშრომლობის მეშვეობით, ჩვენს მომხმარებლებს წვდომა აქვთ ფასიანი ქაღალდების განთავსების არხების უპრეცედენტოდ ფართო სპექტრზე, რომელიც მოიცავს გალტ & თაგარტის საბროკერო მიმართულების, „საქართველოს ბანკის“ დაგროვილი ქონების მართვის მიმართულებისა და „საქართველოს ბანკის“ Solo მიმართულების მომხმარებლებს, და უზრუნველყოფს ტრანზაქციის წარმატებით განთავსებას.

გალტ & თაგარტი ეხმარება კომპანიებს საჯარო და კერძო სააქციო კაპიტალთან და კაპიტალთან დაკავშირებული სხვა გარიგებების შემუშავებაში, სტრუქტურირებასა და წარმატებით განხორციელებაში როგორც საქართველოში, ასევე მის ფარგლებს გარეთ. ჩვენი მრავალწლიანი გამოცდილება მოიცავს პირველად ბაზარზე საჯარო განთავსებებს, შემდგომ განთავსებებს, კერძო განთავსებებს და სრულმასშტაბიან კონსულტაციებს „შთანთქმის“ (ე.წ. “takeover”) ტრანზაქციებთან დაკავშირებით. ჩვენ ვმუშაობთ კომპანიებთან, რათა დავეხმაროთ მათ სააქციო კაპიტალის მეშვეობით დაფინანსების მოპოვებაში, და ვაკავშირებთ ჩვენს მომხმარებლებს ჩვენსავე დაინტერესებულ ინვესტორებთან. სააქციო კაპიტალთან დაკავშირებული 20-ზე მეტი წარმატებით განხორცილებული გარიგება გვაღიარებს როგორც ტოპ საინვესტიციო ბანკს სააქციო კაპიტალთან დაკავშირებულ ტრანზაქციებში.

საერთაშორისო სარეიტინგო სააგენტოების მეთოდოლოგიებისა და მიდგომების ღრმა ცოდნის წყალობით, ჩვენ ვთავაზოთ ჩვენს მომხმარებლებს საკრედიტო რეიტინგის საკონსულტაციო სერვისებს და ვეხმარებით მათ საკრედიტო რეიტინგის წარმატებით მოპოვებაში. ჩვენ ვეხმარებით ჩვენს მომხმარებლებს პროცესის ყველა ეტაპზე – დაწყებული რეიტინგის საწყისი შეფასებით, შესაბამისი სარეიტინგო სააგენტოს არჩევითა და მობილიზებით, და დამთავრებული რეიტინგის სტრატეგიის ჩამოყალიბებითა და მენეჯმენტის მხარდაჭერით რეიტინგის მინიჭების სრული პროცესის განმავლობაში. ჩვენი მიზანია დავეხმაროთ ჩვენს მომხმარებლებს მოიპოვონ საუკეთესო სარეიტინგო შედეგი და შექმნან გრძელვადიანი სტრატეგიები მათი საკრედიტო რეიტინგისა და შეფასების გასაუმჯობესებლად.

გალტ & თაგარტი თავის მომხმარებლებს სთავაზობს შერწყმა-შესყიდვის (M&A) ტრანზაქციებთან დაკავშირებულ სრულ საკონსულტაციო მომსახურებას და წარმოადგენს მომხმარებლების ინტერესებს როგორც „მყიდველის“, ასევე „გამყიდველის“ მხარეს. ადგილობრივი და რეგიონული ბაზრების ღრმა ცოდნა, მრავალწლიანი გამოცდილება, შიდა კვლევითი შესაძლებლობები და ადგილობრივი და საერთაშორისო ინვესტორებისა და პარტნიორების ფართო ქსელი, საშუალებას გვაძლებს რომ დავეხმაროთ ჩვენს მომხმარებლებს შერწყმა-შესყიდვის (M&A) ტრანზაქციებთან დაკავშირებული სტრატეგიული გეგმების შემუშავებაში, რომლებიც უზრუნველყოფენ მათი საჭიროებების გათვალისწინებას და გარიგებების წარმატებით დასრულებას.

გალტ & თაგარტი ბაზრის ღრმა ცოდნასა და პრაქტიკულ გამოცდილებაზე დაყრდნობით სთავაზობს ბიზნესებს საბაზრო ღირებულების შეფასების სერვისს, რომელიც მორგებულია მათ საქმიანობის სპეციფიკაზე  და, ამასთანავე, სრულად ითვალისწინებს საუკეთესო საერთაშორისო სტანდარტებს. ბიზნესის შეფასებისას, ჩვენ ასევე ვატარებთ შესადარისი კომპანიებისა და ტრანზაქციების საფუძვლიან შედარებით ანალიზს, და ჩვენს მომხმარებლებს ვაწვდით ინფორმაციას მათი სტრატეგიული, საოპერაციო და ფინანსური მიზნების მხარდასაჭერად.

როგორც საქართველოს წამყვან საინვესტიციო ბანკს, გალტ & თაგარტს  კორპორატიული სტრატეგიული კონსულტაციების მდიდარი გამოცდილება აქვს. ჩვენს მომხმარებლებს ვთავაზობთ ინდივიდუალურ მიდგომას, რომელიც გულისხმობს მათ სტრატეგიულ მიზნებზე მორგებულ სერვისს. იქნება ეს „შესაბამისობის კვლევების“ მომზადება, ხარჯების შემცირების ინიციატივების მხარდაჭერა თუ ზრდის პერსპექტივების შეფასება, ჩვენ ვერგებით ჩვენი მომხმარებლების საჭიროებებს და ვეხმარებით მათ სტრატეგიული გადაწყვეტილებების მიღებასა და მათ ეფექტურ განხორციელებაში.

გალტ & თაგარტი საერთაშორისო ფინანსური ინსტიტუტებთან და დონორებთან აქტიურად თანამშრომლობს სხვადასხვა საკონსულტაციო პროექტების ფარგლებში საქართველოსა და რეგიონის მასშტაბით. ჩვენ ვთანამშრომლობთ ისეთ წამყვან პარტნიორებთან, როგორებიცაა ევროპის რეკონსტრუქციისა და განვითარების ბანკი, მსოფლიო ბანკი, აშშ-ის საერთაშორისო განვითარების სააგენტო (USAID) და  სხვა.

სტრატეგიული საკონსულტაციო ექსპერტიზისა და ადგილობრივი და რეგიონული ბაზრების ღრმა ცოდნაზე დაყრდნობით, ჩვენ მხარს ვუჭერთ საერთაშორისო ფინანსური ინსტიტუტებისა და დონორების ინიციატივებს სხვადასხვა სექტორში, რაც ხელს უწყობს მდგრად განვითარებასა და ეკონომიკურ ზრდას.