3კვ25-ში:
ნავთობის ფასი 0.9%-ით შემცირდა, რაც მიწოდების ზრდითა და მოთხოვნის შესუსტებით იყო გამოწვეული. ფასი ვიწრო დიაპაზონში მერყეობდა, რადგან მიწოდება-მოთხოვნის დინამიკა მეტ-ნაკლებად აბალანსდებდა ერთმანეთს, თუმცა, კვარტლის ბოლოსთვის მეტწილად პესიმისტური პროგნოზები გააქტიურდა.
ბუნებრივი აირის ფასი 0.6%-ით შემცირდა. ევროპის ბუნებრივი აირის ბაზარი მთელი კვარტლის განმავლობაში შედარებით კარგად იყო უზრუნველყოფილი და თავიდან აიცილა წინა წლის მსგავსი მარაგების შევსების ქაოსი.
ოქროს ფასი 16.8%-ით გაიზარდა, რაც უსაფრთხო აქტივზე მოთხოვნისა და მონეტარული მოლოდინების ცვლილების ერთობლიობით იყო განპირობებული. ოქროს ფასმა სექტემბრის ბოლოს $3,800/უნცია ბარიერი გადალახა და განაგრძო ზრდა ოქტომბრის დასაწყისში ისტორიულ მაქსიმუმამდე, რაც ერთ უნციაზე $4,000-ზე მეტი იყო.
ამონიუმის ნიტრატის ფასი 15.2%-ით გაიზარდა. 1 ივლისს ევროკავშირმა ახალი ტარიფები აამოქმედა რუსული სასუქების იმპორტზე – მათ შორის ამონიუმის ნიტრატზე.
ხორბლის ფასი 4.6%-ით გაიზარდა. მიუხედავად მცირე ზრდისა, გრძელვადიან პერიოდში ფასი კვლავ დაბალ ნიშნულზე ნარჩუნდება, რაც გლობალურ უხვ მიწოდებასა და სუსტ მოთხოვნას ასახავს.
სპილენძის ფასი 1.7%-ით გაიზარდა. სექტემბერში ინდონეზიის გრასბერგის მაღაროში (სიდიდით მსფოლიოში მეორე) წარმოქმნილმა მეწყერმა ოპერაციები შეაჩერა, რამაც მნიშვნელოვნად შეცვალა მიწოდების მოცულობა.
ფეროსილიკონი – ევროპული ფეროსილიკონის ფასი თითქმის უცვლელი იყო (-0.3%), ხოლო ჩინურის 7.6%-ით გაიზარდა. ამან ხელი შეუწყო წინა კვარტალში შექმნილი ჩვეულებრივზე დიდი სხვაობის შემცირებას.
